فطوري اليوم

ام انير كتب:

زهرة الكاردينيا كتب:

اخت لطيفة كتب:الله يعطيك الصحة ملوكة شهيوات روعة
مقادير الضونات شهيتيني فيهم

عيوني

الدونات تحت طلب الدكتور ادام في الدقائق الحرجة ههههه والحمد لله ربي مخيبني (عاوت لك قصة حياتي ههههه)

المهم الدونات فيهم
كاس حليب دافي
كاس ماء دافي
نصف كاس زيت
ملعقة خميرة
خمارة حمراء
فاني
٢ ملاعق سنيدة
قبصة ملح
نخلطو السوائل عاد نزيدو النواشف مع الدقيق و ملعقة خل
ملي تجمع العجين نزيدو ملعقتين زبدة (اختيارية ) ولكن تاجي فيه زوينة رطب اكثر
صافي ملي اخمر المرة الاولى نقطعه و نخليه اخمر المرة الثانية

مليكة واش الدونات درتيهم فالفرن ولا قليتيهم

مقليين سمحي لي يالله شفت السؤال ههه

ام انير كتب:

اخت لطيفة كتب:فطورنا اليوم حوتة في الفرن بصلصة الطماطم وسلطة مشكلة بالخس والخيار قطعت فوقها باربا وموزة وبرتقالة .المالح مدرتوش اليوم ولكن بقات شي بركة قليلة من البارح قضاووا بها وخبيزة مشحرة حطيتها وهزيتها هه..

هههه ضحكتيني الطيفة ههه عمرات عليكم الطبلة

هههه والله موصلناها هادي يومين نحطها ونهزها ..قالك المثل شكون داها فيك ازميطة نهار العيد ههه

ام انير كتب:

اخت لطيفة كتب:

ام انير كتب:السلام عليكم البنات فطوري اليوم خبيزات فالفرن بحشوة الدجاج و الشعرية الصينية
بغرير
مسمن دالشحمة
طجين اللحم الاحمر بالبرقوق
عصير واتاي منعنع
خبيزات وبغرير درتهم بنية الصدقة ماشي لينا ولكن فالدقيقة تسعين قربلتها انا والشعب ومتلاوش مشاو هه لا حول ولا قوه الا بالله

بالصحة والراحة الطاجين بالبرقوق ممم ما لقيتي فوقاش تقربلي حتى نهار البرقوق ههه الله يتاويكم حبيبتي والله يبعد عليك شر الخلق وعين بنادم ..الصبر حبيبتي عايشين عليه
شهيتيني في اتاي  منعنع  مع ذاك المسمن وقيلا نوض دبا ندير واحد الكاس دبا  هه..ديما كندير غي القهوة كحلة في الفطور

ههه البرقوق جاب معاه التبرقيق ههه الحمدلله لي سالات طريفة
الله يعطيك الصحه حبيبتي واييه جا منعنع من داكشي
انا ضروري اتاي فالفطور كاسي كنديرو مسوس غي البارح شربتو حلو مع النعناع نيت

التبرقيق ديال بصح ههه الحمد لله على لطف الله بعض المرات متعرفي منين يخرج داك العحب كتكون سلامات حتى تشعل على والو
اتاي عندنا مور التراويح وهو لي ناخد مع لي كتب الله وننعس حتى الفجر نوض نصلي

فطورنا اليوم بروشيت لاداند مع خضيرة صوتي وعصير باربا وفريز وبرتقال والحريرة ..مبغيتش ندير المالح باش ياكلو الخضرة

اخت لطيفة كتب:فطورنا اليوم  بروشيت لاداند مع خضيرة صوتي وعصير باربا وفريز وبرتقال والحريرة ..مبغيتش ندير المالح باش ياكلو الخضرة

بالصحة والراحة لطوفتي ياسلام فطور بنين و صحي الله اعطيك الصحة


اليوم درت الشميسة ديالك الى عقلتي عليها ياسلام طلعات فنة و لكن مصورتهاش داركني الوقت كنت خارجة و درت حسوة الدشيشة و اتاي الله اخلف

اخت لطيفة كتب:فطورنا اليوم  بروشيت لاداند مع خضيرة صوتي وعصير باربا وفريز وبرتقال والحريرة ..مبغيتش ندير المالح باش ياكلو الخضرة

تبارك الله فطور غزال بالصحه والعافيه اختي لطيفة
مليكة بالصحه و الراحه التشيشة والشميشة فطور الهنا ان شاء الله
فطوري اليوم انا سخنت غي لي بقالي من البارح حيت كترت البارح وبقا بزاف

زهرة الكاردينيا كتب:

اخت لطيفة كتب:فطورنا اليوم  بروشيت لاداند مع خضيرة صوتي وعصير باربا وفريز وبرتقال والحريرة ..مبغيتش ندير المالح باش ياكلو الخضرة

بالصحة والراحة لطوفتي ياسلام فطور بنين و صحي الله اعطيك الصحة


اليوم درت الشميسة ديالك الى عقلتي عليها ياسلام طلعات فنة و لكن مصورتهاش داركني الوقت كنت خارجة  و درت حسوة الدشيشة و اتاي الله اخلف

الله يسلمك ملوكة وبصحتكم الشميشة لي يعجبني فيها الحشوة المغايرة وحتى العجينة رطبة حتى نشوف واش باقي مسجلة المقادير ولا نطلبك تحطيهم هه خاصة العجينة اما الحشوة على ما اضن باقية في راسي ..تشخري بصيلة حتى طيح وتزيدي فرماج وطون زيت وملح وابزار..

ام انير كتب:

اخت لطيفة كتب:فطورنا اليوم  بروشيت لاداند مع خضيرة صوتي وعصير باربا وفريز وبرتقال والحريرة ..مبغيتش ندير المالح باش ياكلو الخضرة

تبارك الله فطور غزال بالصحه والعافيه اختي لطيفة
مليكة بالصحه و الراحه التشيشة والشميشة فطور الهنا ان شاء الله
فطوري اليوم  انا سخنت غي لي بقالي من البارح حيت كترت البارح وبقا بزاف

الله يسلمك سارة زوينة فاش يكون عندك شي نهار روپو وبصحتكم حتى نتوما

فطوري اليوم

ام انير كتب:

فطوري اليوم

بالصحة والراحة هاد الشيء كيشهي ما شاء الله

ام انير كتب:

فطوري اليوم

بالصحة والراحة ساريتا واش اخر صورة معسلة هديك هههه

زهرة الكاردينيا كتب:

ام انير كتب:

فطوري اليوم

بالصحة والراحة ساريتا واش اخر صورة معسلة هديك هههه

اه معسلة اختي مليكة كنحط غي شوية حيت متناكلوش الحلاوة بزاف

ام انير كتب:

زهرة الكاردينيا كتب:

ام انير كتب:

فطوري اليوم

بالصحة والراحة ساريتا واش اخر صورة معسلة هديك هههه

اه معسلة اختي مليكة كنحط غي شوية حيت متناكلوش الحلاوة بزاف

بالصحة والراحة مكرهتش نحط ل غي لابواط بلا منوسخ الطبسيل هه ولكن بنتي كتبغي تشوف كل حاجة في بلاثتها

فطورنا البارح مساليتش باش نزلو
كان عبارة على حوت بالبصلة والزبيب ومملحة بورقة البسطيلة على شكل مربع بالدجاج والشعرية وفريت ودنجال في الفران وسلطة خس ومكور وخيار ..

ام انير كتب:

زهرة الكاردينيا كتب:

ام انير كتب:

فطوري اليوم

بالصحة والراحة ساريتا واش اخر صورة معسلة هديك هههه

اه معسلة اختي مليكة كنحط غي شوية حيت متناكلوش الحلاوة بزاف

بالصحة والراحة ساريتا الى كان ممكن حطي لي المقادير عندي ورقة الفيلو و بغيت نعمرها هههه

اخت لطيفة كتب:

ام انير كتب:

زهرة الكاردينيا كتب:

ام انير كتب:
[url=https://servimg.com/view/20452965/ ش3][/url]
فطوري اليوم

بالصحة والراحة ساريتا واش اخر صورة معسلة هديك هههه

اه معسلة اختي مليكة كنحط غي شوية حيت متناكلوش الحلاوة بزاف

بالصحة والراحة مكرهتش نحط ل غي لابواط بلا منوسخ الطبسيل هه ولكن بنتي كتبغي تشوف كل حاجة في بلاثتها

هههه والله الى نحطو بواطة سلو و بواطة الشباكية هههه حيت غير تيونسو التمر حتى اتنكل هههه

اخت لطيفة كتب:فطورنا البارح  مساليتش باش نزلو
كان عبارة على حوت بالبصلة والزبيب ومملحة بورقة البسطيلة على شكل مربع بالدجاج والشعرية وفريت ودنجال في الفران  وسلطة خس ومكور وخيار  ..

بالصحة والعافية لطوفتي

حطي لينا مقادير المملحة

فطورنا اليوم كان ملوي بقا من البارح
وشوربة الخضر و الكلمار
عصير الجزر و البرتقال
و فطيرة الشميسة ديال شمسنا لطوفة
و كيكة بالخشخاش

زهرة الكاردينيا كتب:
فطورنا اليوم كان ملوي بقا من البارح
وشوربة الخضر و الكلمار
عصير الجزر و البرتقال
و فطيرة الشميسة ديال شمسنا لطوفة
و كيكة بالخشخاش

بالصحة والراحة الشميشة فكرتيني فيها
وخا بالنسبة للمملحة غي مساليتش نزلها
كنحتاجو فيها ورقة البسطيلة انا ايتعملت واحد النوع مربع ديال الخارج فنة فنة
والحشوة فيها غي كورجيت محكوكة شحرتها مع صدر الدجاج والسبانخ والربيع والتوابل خرقوم وابزار وملح ومعلقة صوص الصوجا وحطيت الحشوة في الوسط وفوقها طريف فرماج وسديت عليها بحال المسمن بعد ما دهنت الورقة بهاد الخليط
ربع كاس حليب وربع كاس زيت وبيضة كنطربهم وكندهن الورقة قبل التعمار ونسد ونطيبها في المقلة بحال المسمن

مليكة حطي لينا مقادير كيكة الخشخاش وشنو ديك الطبقة الفوقانية ..واش زعما الخشخاش منخافوش يدوخنا ؟

اخت لطيفة كتب:مليكة حطي لينا مقادير كيكة الخشخاش وشنو ديك الطبقة الفوقانية ..واش زعما الخشخاش منخافوش يدوخنا ؟

هههه ماتخافيش من الدوخة هههه ياك ااخشخاش هو البافو؟

الكيك اول مرة مجربو طلع واعر صراحة خفيف بحال الجنواز

3بيضات قبصة ملح و كاس معمرش سنيدة و ساشي فاني نطربهم مزيان حتى يبياض الخليط ونزيد نصف كاس زيت مع التطراب ونضيف دانون فاني
و 2 خمارات حمر و الدقيق حسب الخليط 2ملاعق بافو نخلط جيدا و نديروه في مول للفرن

من بعد مايطيب نوجدو الكريمة لي فيها 3ملاعق نشا 1ملعقة كريم باتسري نصف لتر حليب ( الى كان نيدو الطعم الذ هه) 3ملاعق سكرو فاني نحرك الكل جيدا على النار حتى تعقاد خارج النار نضيف ملعقة زبدة 🧈

تخرجو الكيك من الفرن و نغسلو المول وندهنه بشوية زيت باش متلصقش الكريمة نخويو الكريمة في المول و نحطو عليها الكيك و نضغط جيدا و تخلوها تبرد عاد ندخلو للثلاجة و بالصحة والراحة

زهرة الكاردينيا كتب:

اخت لطيفة كتب:مليكة حطي لينا مقادير كيكة الخشخاش وشنو ديك الطبقة الفوقانية ..واش زعما الخشخاش منخافوش يدوخنا ؟

هههه ماتخافيش من الدوخة هههه ياك ااخشخاش هو البافو؟

الكيك اول مرة مجربو طلع واعر صراحة خفيف بحال الجنواز

3بيضات قبصة ملح و كاس معمرش سنيدة و ساشي فاني نطربهم مزيان حتى يبياض الخليط ونزيد نصف كاس زيت مع التطراب ونضيف دانون فاني
و 2 خمارات حمر و الدقيق حسب الخليط 2ملاعق بافو نخلط جيدا و نديروه في مول للفرن

من بعد مايطيب نوجدو الكريمة لي فيها 3ملاعق نشا 1ملعقة كريم باتسري نصف لتر حليب ( الى كان نيدو الطعم الذ هه) 3ملاعق سكرو فاني نحرك الكل جيدا على النار حتى تعقاد خارج النار نضيف ملعقة زبدة 🧈

تخرجو الكيك من الفرن و نغسلو المول وندهنه بشوية زيت باش متلصقش الكريمة نخويو الكريمة في المول و نحطو عليها الكيك و نضغط جيدا و تخلوها تبرد عاد ندخلو للثلاجة و بالصحة والراحة

واه هو هذاك البافو ..الكيكة بمقاديرها زوينة ما شاء الله دخلت مخي هه

زهرة الكاردينيا كتب:

ام انير كتب:

زهرة الكاردينيا كتب:

ام انير كتب:

فطوري اليوم

بالصحة والراحة ساريتا واش اخر صورة معسلة هديك هههه

اه معسلة اختي مليكة كنحط غي شوية حيت متناكلوش الحلاوة بزاف

بالصحة والراحة ساريتا الى كان ممكن حطي لي المقادير عندي ورقة الفيلو و بغيت نعمرها هههه

السلام عليكم سمحيلي اختي مليكة محاوبتكش البارح كنت مشطونة
المعسلة خفيفة ضريفة ههه 800 غرام كاوكاو فللفران حمرتو وطحنتو و زت ليه معلقة صغيرة دالقرفة وكاس د سكر گلاصي و جمعتو ب مازهر يجي شوية سارد ميجيش ناشف باش ميزيدش ييبس فالفران
صافي و صاوبت الزبدة نوازيت بديت نفرش ورقة دالفيلو وندهنا ونعمر بحال البقلاوة و نرولي و نستف فلاطة دالفران تا ساليت و دهنتهم مزيااان بالزيدة وقطعتهم مستطيلات متوسطين الطول و درتهم يطيبو على عافية مهيلة
صراحة جات فنة وبنينة

زهرة الكاردينيا كتب:

اخت لطيفة كتب:مليكة حطي لينا مقادير كيكة الخشخاش وشنو ديك الطبقة الفوقانية ..واش زعما الخشخاش منخافوش يدوخنا ؟

هههه ماتخافيش من الدوخة هههه ياك ااخشخاش هو البافو؟

الكيك اول مرة مجربو طلع واعر صراحة خفيف بحال الجنواز

3بيضات قبصة ملح و كاس معمرش سنيدة و ساشي فاني نطربهم مزيان حتى يبياض الخليط ونزيد نصف كاس زيت مع التطراب ونضيف دانون فاني
و 2 خمارات حمر و الدقيق حسب الخليط 2ملاعق بافو نخلط جيدا و نديروه في مول للفرن

من بعد مايطيب نوجدو الكريمة لي فيها 3ملاعق نشا 1ملعقة كريم باتسري نصف لتر حليب ( الى كان نيدو الطعم الذ هه) 3ملاعق سكرو فاني نحرك الكل جيدا على النار حتى تعقاد خارج النار نضيف ملعقة زبدة 🧈

تخرجو الكيك من الفرن و نغسلو المول وندهنه بشوية زيت باش متلصقش الكريمة نخويو الكريمة في المول و نحطو عليها الكيك و نضغط جيدا و تخلوها تبرد عاد ندخلو للثلاجة و بالصحة والراحة

بالصحة والراحة حمقني الكيك زوين تبارك الله انا معنديش الباڤو عندي غي حبوب الشيا ماشي كيف كيف ياك

بالصحة والراحة اختي لطيفة
انا فطوري البارح كان حوتة في الفرن بالخضرة مع زعلوك و بيتزا بالطون و عصير الليمون و مسمن للسحور