بسطيلة بالحوت على شكل بريوات

السلام عليكم اخواتي بغيت نتقاسم معاكم هاد البريوات لي صاوبتهم بحشوة بسطيلة الحوت جاووا لذاذ مشهيتكم فيهم وسامحوني  حطيتهم للإفادة مع ازمة الغلاء لي كنعيشوها  رجعت نحشم نصور شي وصفة




مقادير شرمولة
4 فصوص ثوم محكوكة
ربع حامضة مصيرة
عصير نصف حامضة
ملعقة طماطم مصبرة عامرة
4 معالق معدنوس وقصبر
معلقة صغيرة هريسة
2 معالق صلصة الصوجا
ملح وابزار وتحميرة وسكين جبير و2 معالق صغار عطرية الحوت
ورقة موسى
كاس مرق قشور الكروفيت
سمكة  ميرلان او اي نوع حوث بغيتو
زلافة كروفيت  او خليط بين كروفيت وكلمار
حك شامبنيون
2 بكيات شعرية صينية
بالنسبة للمرلان كنفتحها من الوسط ونتبلها بملح وابزار ونعصر عليها الحامض وندخلها للفران سخون غي تشد راسها ونخرجها وننقيها ونفتتها طريفات باينين
في مقلاة اضع الثوم والربيع وجميع مكونات الشرمولة ونشحرهم مزيان وفي الاخير نضيف مرق قشور الكروفيت لي نكون صلقت فيه قشور الكروفيت وصفيتو
نشحر كل من الكلمار  والمرلان والكروفيت حل واحد على حدة مع شوية شوية من الشرمولة
الشعرية الصينية نرطبها في ماء الكروفيت ونشحرها بشرمولة هي والشامبنيون
نخلط كلشي ونفرش الورقة ونعمرها على شكل مثلثات ندهنهم بالزيت وندخلها للفرن

الله الله على لالة لطوف دائما متميزة بريوات تسيل اللعاب الله اعطيك الصحة حبيبتي لة
لا عليك حبيبتي غير خودي راحتك و تقاسمي معنا الافكار النيرة ديالك
اما غلاء الاسعار الله ادير شي تاويل الخير راها مشعللة

زهرة الكاردينيا كتب:الله الله على لالة لطوف دائما متميزة بريوات تسيل اللعاب الله اعطيك الصحة حبيبتي  لة
لا عليك حبيبتي غير خودي راحتك و تقاسمي معنا الافكار النيرة ديالك
اما غلاء الاسعار الله ادير شي تاويل الخير راها مشعللة

الله يلطف بالشعب ويهدي المسؤولين
شكرا عزيزتي البريوات جاووا فنين مكرهتش نذوقكم ههه

الله كيشهيو تبارك الله عليك شاف جاو فوقتهم عندي شي حوت مخبياه للبسطيلة كنتسنا غي ناخد الشعرية الصينية ان شاء الله
انتظري التطبيق

ام انير كتب:الله كيشهيو تبارك الله عليك شاف جاو فوقتهم عندي شي حوت مخبياه للبسطيلة كنتسنا غي ناخد الشعرية الصينية ان شاء الله
انتظري التطبيق

بالصحة مسبقا حتى انا عوالة نعاودهم ولكن غي بالكروفيت ونعملهم سيكارات للتنويع فقط

للرفع

للرفع