ذاكرة عتقيني

السلام عليكم ورحمة الله وبركاته

شريت تارة باش نديرها لشعري، اليوم تا نقلب على الفوائد ديالها حيت العطار قال لي مزيانة للكلاوي، لكن في النت كلشي تا يقول فعااالة لإزالة الشعر هههه
عتقي راني بغيت نداوي هاد الزغيبات ماشي نطير اللي باقيين

أمينة كتب:السلام عليكم ورحمة الله وبركاته

شريت تارة باش نديرها لشعري، اليوم تا نقلب على الفوائد ديالها حيت العطار قال لي مزيانة للكلاوي، لكن في النت كلشي تا يقول فعااالة لإزالة الشعر هههه
عتقي راني بغيت نداوي هاد الزغيبات ماشي نطير اللي باقيين

الحبيبة ديالي امونتي واش عندك الشك راه الكوكل ولا بحال الفقيه لي ما قاريش غير فم وما يقول هاذ الوصفة عن تجربة ولي كانت معتمدة تارة في الزيت هي والقرنفل عمتي الله يرحمها ماتت وفي عمرها 78عام وشعرها عمر المقص ما مس زغبة من شعرها كنا نقولوا لها لالة ولي بغى يضرب النثل يضربو بشعرها ملي ماتت شعرها حاروا فيه تبارك الله الله يرحمها ويجعل متواها الجنة طول وكثافة .
وحتى ماتت وشافوا اغراضها وقرعتها لي مرقدة فيها تارة والقرنفل والزيت بها كتدهن وبها كتشقق .
الى اكتشفوا انها كتزول الشعر راها من الجلدة العادية مثلا الى حسنتي ايديك ورجليك وحتى في الوجه كاينة لي عندها الشعر زايد فملي كدير الحلاوة وباش تسد بصيلات الشعر كترش ببخاخ من عشبة تارة او نبات السعد لي كيسدها ومرة على مرة حتى كتموت ذيك البصيلات لي كيخرج منها الشعر خلاف الفروة طبيعتها مكان نبات الشعر و حكمة رب العالمين في بعض النباتات مثلا الخروع كيصفي البشرة ويزول التصبغات وجد راءع للبشرة و في نفس الوقت كيقوي شعر الحواجب والشفار يعني غادي دهني به وجهك جد راءع لمحاربة التجاعيد وكيخلي البشرة طرية وشابة ويمنع الترهلات انا معتمدة عليه داءما ندهن به وكندير زيت اللوز المر قطيرات منو ونضيف عليه زيت الخروع وندهز به كسيروم ..

ديري تارة عشبة متداولة في وصفاتنا المغربية القديمة لتقوية الشعر وفي عادات جمالنا بكري كانت لي ما مزغبة كيقولك ناسلة كنت نحسن سيقاني ولالة تبغي تاكلني كنقولها مالي وليت قرد كتقولي هذاك راه عندو معنى مالك بغيتي يقولو ناسلة كنقوليها غير خليني ما كنحملش الشعر في رجلي مزال في ايدي كنت نخليه وخى دبا ما بقاش موضة ههههههه كون ما كنت طاحناها ودايراها في الزيت كون وريتها لك ولكن غادي نقلب على واحد القرعة عندي فيها شي حبات .
سولي شي سيدة كبيرة وغادي تخبرك لان الوصفات البلدية المغربية لا علاقة بلي كيبقاوا يتفلسفو علينا ديريها وبعينيك مغمضين كون عندي ذرة شك فيها نقولك جوج كلمات ونختصر لك في هاذ الجملة ... الى شكيتي فيها ما ديريهاش لكن انا كناكد لك ديريها وداومي عليها غادي تلاحظي الفرق الشعر غادي يطوال ويتقوى .

الله يطمن قلبك ويخليك لينا ديمة عاتقانا
الله يعطيك ما تمنيتي من خير يااااااااااااااااااااااااا رب
صافي نطحنها مع القرنفل ونيشان مع الزيت
أنا شعري تا يخلف لكن القديم تا يطيح، البصيلة تا توصل واحد الوقت تا تلوح القديم شابهاني مع الربوج

اللهم اااامين يارب العالمين وشكون بحالي هاذ دعوة الخير الزوينة ولك بمثلها يارب .
شيء عادي دورة الشعر التكوينية قبل ما طيح الزغبة كتكون الاخرى جايا غير تيكون المغرس مريض ولا كاين طفيليات لي كتعكز نموها بسرعة الشعر في فصل الخريف كيمشي بنفس الفصل طيح زغبة وتكون الاخرى جاية لي كتدفع لي شاخت ومرضت وما بقات صالحة .
ديري تارة مع القرنفل في الزيت وواحد المساج قبل ما تغسلي شعرك وشقيه مرة في الاسبوع من التخت وحكي الفروة مزيان خليها تحرك فيها الدورة الدموية وما تنسايش فواكه وخضر الموسم الرمان لي كلات شي رمانة تيبس قشورها بلا ما تمشي عند العطار يعطيها رمان قديم كتغلي قشور الرمان وتغسلي بهم شعرك ديريهم في بخاخ ورشيه بهم الشعر والى ضفتي لهم اوراق السالمية كتحاربي الشيب وكتجبري وتقوي الزغبة .
وصفاتنا المغربية التقليدية بحر غير خاصنا نهتموا بها ونعطيوا لروسنا وقت فين نلقاوا سوالف نتحيروا بها ههههههه بالصحة والراحة .

الله يعطيك الصحة وصافي سعدااااتنا بيك والله تا نقولها من قلبي
راني درت القرنفل في الشامبو، شفتكم تكلمتو عليه، غسلت بيه شعري عطاني لمعان ونعومة سبحان الله شريت قرعة جديدة ورميت فيها قرنفل بودرة باش يطلق مزيان المفعول وطحنت حلبة وخلطتها مع الزيت وبغيت نزيد هاد الوصفة ديال تارة كل مرة ندير حاجة
وشريت بذور الخردل نجربو حتى هو نزيدو قالوا تا ينشط الفروة

اللهم ااامين ولك بالمثل وزيادة امونتي،  القرنفل هرمشيه وديريه في الشمبوان وياريت يكون خاص بالرضع لانه امن وخفيف من المواد المحضورة او يكون شمبوان طبيعي بيو راه كاين غير تكون المصداقية حيث واحد المرة شريت شمبوان الحريكة ولكن فيه الرغوة بزاف ونشفي لي شعري مع ان الحريكة كترطب الزغبى فعرفت ان الشمبوان ما طبيعي ما والو وصبنت به المانطات حتى كمل .
بغيت نزل لكم شمبوان طبيعي كاين ببزاف الاعشاب غير هو خاص فينما تبغي تغسلي تصاوبيه بليلة قبل ، كون عندي تيغشت كون درت واحد التطبيق ديال شمبوان طبيعي واعر ولكن دبا نوصي عليها ...
بذور الخردل واعرة بزاف للشعر كتقويه ونزول التقصف وتحبس التساقط
عندي واحد الوصفة بالخردل دبا نزلها لكم المهم غير تبعي على وصفة وحدة لمدة 3 اشهر على الاقل وكل اسبوع ضروري من الماسك و بعدما تغسلي شعرك كبي عليه مزيج بين ماء مغلي بالسالمية والزعتر وخليه في شعرك حتى تكملي حمامك وشلي عادي  ماء الزعتر والسالمية كينوض الخلفة ويحبس التساقط .

كذلك داءما تبغي تخلطي شي قناع او خلطة للشعر خلطيها بقشور البصلة وقشور الثوم كدير لك اختي فرانات ضد التساقط الحاد لي بعض المرات واكثرها كيجي من عوامل صحية داخلية .
بالصحة والراحة