خبيزات للفطور بالخميرة بلدية

السلام عليكم صديقاتي اليوم وصفتنا خبيزات للفطور صحيين  بالخميرة بلدية



المقادير
كمية من الدقيق الكامل وكمية من دقيق الشعير  وزلافة خميرة بلدية تكون نشيطة  باش ميحيناش خبزنا حامض
باش نشطو الخميرة ضروري نزيد فيها الدقيق والماء دافى قبل العجن بساعات وننتظر حتى تنشط ودير فقاعات تدل على نشاطها
ملح
3 معالق زيت العود
زرارع صحيحة داخل العجين (اختياري )

نخلطو الطحين مع الخميرة واقوم بإضافة ماء دافى حتى نجمع العجينة وندلكها شوية مع زيت الزيتون ونخليها تختمر ساعة ولكن ضروري نحط تحت القصعة ماء دافى لتسريع عملية الاختمار
بعدها ناخد كوريرات الحجم لي بغيتي ونغمس الوجه في الشوفان وزريعة الكتان او اي خليط عندك وممكن الاكتفاء بالبلبولة فقط
نحطها الخبيزات في ثينية فرشت لها ورق الطهي ونحطها في فرن دافى جدا ونغطيها مزيان
باش تعرفيها خمرت غدي تطلع وتتشقق
مع هاد البرد قد يستمر الامر عدة ساعات او ممكن ليلة كاملة

ماشاء الله كيشهيوا صراحة مع كاس اتاي مشبب وزويتة بلدية ولا املو يا سلام
الله يعطيك الصحة وتبارك الله عليك غاليتي

ذاكرة كتب:ماشاء الله كيشهيوا صراحة مع كاس اتاي مشبب وزويتة بلدية ولا املو يا سلام
الله يعطيك الصحة وتبارك الله عليك غاليتي

وييه فكرتيني في املو ويييه فين هي زيت اركان يا حسرة كلشي تزاد الله يحفظ
شكرا مريومتي شرفني مرورك