كيكة المشكلطة بدون بيض

السلام عليكم اخواتي اول موضوع ليا في المنتدى انيقات وسمحو لي تعطلت عليكم 
هادي كيكة بدون بيض كتجي بنينة لعشاق الشوكولاطة
بالنسبة للمقادير لي طلبتو ..في الخلاط نحطو
360 مللتر حليب او كاس كبير ونصف نضيفو عليها نصف كاس زيت (نفس الكاس لي عبرنا بيه الحليب نعبرو كلشي ) نصف كاس سكر لي تبغي الحلاوة تعمل كاس.. ملعقة خل وربع ملعقة صغيرة بيكاربوناد وملعقة صغيرة عامرة خمارة الحلوى و4 معالق كاكاوو و2 كيسان طحين ورشة ملح وفاني واحدة وملعقة صغيرة قهوة
نخلطها مزيان ونصبها في مول ونخليها طيب على خاطرها
ملي طيب وتبىد نقسمها على 2 ونحضر الكريم باتسيير
في كاسرونة حطي 2 معالق سنيدة مع 2 نشا وفاني و2 معالق كاكاوو مر ونصف لتر حليب
نحط الخليط فوق النار حتى يعقاد ونضيف 100غ شكلاط مربعات ومعلقة زيت او زبدة ونصب الخليط فوق الطبقة الاولى بوضع اطار طبعا ونغطي بالطبقة التانية ونخليها تبرد

والتزيين حسب الذوق انا هنا خلطت 3 ملاعق سكر كلاصي مع 2 معالق كاكاوو ومع ثلث كاس ماء ..حركت حتى دابو وكبيتهم فوق الكيكة والجناب ديري اي مكسرات موجودة عندك
En lire plus..

بالصحة و الراحة شاف

تبارك الله عليك لطوفتي

ايييه السلام عليكم اش كاديرو هناي بلا بي ،تبارك ألله عليك يا لطوفتي كيكة من داكشي الرفيع

قلتي بلا بيض دوزنها و لكن اختي شكلاط كيف نديرو ندوزها ليك، هههه اختك سكرية بلا قيااس ههههه نبكي ولا اش ندير، كنضحك معاك بصحتك الغزال ديال الهيها، توحشتك الزين

كيكة زوينة أختي لطيفة. مرة مرة ما كيكونش البيض هادي مزيانة .أول مرة نشوف وصفة ديالك بلا مقادير مصورة و الطريقة .اعطاك الله الصحة

إكرام كتب:كيكة زوينة أختي لطيفة. مرة مرة ما كيكونش البيض هادي مزيانة .أول مرة نشوف وصفة ديالك بلا مقادير مصورة و الطريقة .اعطاك الله الصحة

هههه حتى انا بحالك عمري شفت شي وصفة ليا بلا صور ههه والله ما عرفت كيفاش ههه
اضن والله اعلم يمكن كنت منعرفش نحمل الصور واكتافيت بالكتابة ومن موراها نسيت الموضوع
هذا هو التفسير لي جا في بالي حاليا