نضارة وبوطوكس طبيعي من اول استعمال

السلام عليكم ورحمة الله وبركاته

اخواتي الكريمات واحد الوصفة خطيرة تعطيك اشراقة ونضارة و النتيجة من اول استعمال كتحسي بوجهك مجبد ورطب وفيه لمعة زوينة  ما نطولش  عليكم ونخليكم مع القناع الراءع:
المكونات جد بسيطة ولي هي كالتالي
حبة كركاع
معلقة حليب غبرة
صفار بيضة
تحكي الكركاعة في الجهة الرقيقة وضيفي لها الحليب ثم صفار البيضة
بعدما تنظفي وجهك مزيان طبقي القناع من التحت للفوق  وخليه واحد 3دقاءق  وعاودي طبقة أخرى وبدون كلام او تعبير تجلسي في مكان هادي وتسترخي مدة نصف ساعة من بعد زولي القناع ببونجة مبللة بماء دافي من التحت للفوق من بعد غسلي وجهك بماء بارد ونشفي ثم دهني بالسيروم لي مداومة عليه او إلى ما عندكش ديري هذا لي كندير خليط بين زيت اللوز الحلو وزيت الافوكادو  والكلسيرين مخلطين في قرعة و ها سيروم مرطب بالليل من الدرجة واحد..
هاذ القناع من اول استعمال غادي تلاحظي بشرتك تبدلت 100 درجة وتحسي بها منورة والملمس رطب وفوق هاذ الشي الاشراقة والنضارة داومي على القناع 2مرات في الاسبوع لمدة شهرين غادي لي شافك يسولك اشنو درتي لوجهك قولي لهم درت البوطوكس  هذا كل شيء و بالصحة والراحة.

الله انورك مريومتي
كما العادة لا تبخلين علينا بوصفاتك الرائعة والسهلة

بالنسبة للسيروم لي في اخر الوصفة ممكن الاستغناء عن زيت الافوكا حيث عندي حاليا غير اللوز و الجليسيرين

تماما ملوكتي ممكن تكتفي بهاذ الجوج لانهم مرطبين بدرجة كبيرة بالصحة والراحة

ذاكرة كتب:تماما ملوكتي ممكن تكتفي بهاذ الجوج لانهم مرطبين بدرجة كبيرة بالصحة والراحة

الله اعطيك الصحة مريومتي
متشكرين

الله يعطيك الصحة مريومة قناع في المستوى غدي نبداه من الغد ان شاء الله

بالصحة والراحة لطوفتي في انتظار التطبيقات والنتيجة االزوينة ن شاء الله

ذاكرة كتب:بالصحة والراحة لطوفتي في انتظار التطبيقات والنتيجة االزوينة ن شاء الله

عارفة النتيجة من دبا  نسالي الأشغال ونبالي بيه قبل ما يبدا الماتش ويبداووا التعابير ههه

شكرا أختي على القناع . باين من مكوناته راءع

إكرام كتب:شكرا أختي  على القناع . باين من مكوناته راءع

اختي مرحبا بيك معانا واش انت جديدة او اخت من لي كنعرفو ؟

ترحب بيك الجنة أختي.أنا قديمة لكن كانت مشاركاتي ضءيلة،كنت غالبا أتصفح المواضيع المختلفة التي كلها إفادة سواء في الطبخ أو الصحة أو الجمال ...الموقع كان مرجعا لي في أي موضوع احترت فيه.جزى الله خيرا جميع الأنيقات على مجهوداتهن

إكرام كتب:ترحب بيك الجنة أختي.أنا قديمة لكن كانت مشاركاتي ضءيلة،كنت غالبا أتصفح المواضيع المختلفة التي كلها إفادة سواء في الطبخ أو الصحة أو الجمال ...الموقع كان مرجعا لي في أي موضوع احترت فيه.جزى الله خيرا جميع الأنيقات على مجهوداتهن

مرحبا والف مرحبا في اي وقت سعيدة جدا بانضمامك لهاد الكوكبة الصغيرة لي نتمناووا جميعا تكبر وتكبر اكثر وان شاء الله الكثير من الإفادة للجميع

الله يكبر بيك أختي.إن شاء الله.واش الموقع ديال منتديات أناقة تسد و مشى معاه داك الخيركلو ديال الوصفات الطبخية و العلاجية و .ووووو..؟

إكرام كتب:الله يكبر بيك أختي.إن شاء الله.واش الموقع ديال منتديات أناقة تسد و مشى معاه داك الخيركلو ديال الوصفات الطبخية و العلاجية و .ووووو..؟

اه اختي درنا لي في جهدنا باش ميتسدش ولكن اصحابه الجداد مهتموش بالأمر وسدوه