كيراتين طبيعي لشعر رطب وناعم وفيه لمعان

السلام عليكم ورحمة الله وبركاته

ها واحد الكيراتين للمعكزات كيراتين يخلي شعرك رطب وناعم وتزيد تهلاي فيه اكثر يولي حرير الدودة
المهم ما نطولش عليك المكونات ساهلة ماهلة

2 معالق حب الرشاد
2 معالق روز مدور
معلقة  ازير مطحون
معلقة اي زيت عندك مولفة عليه شعرك
اول شيء تاخذي كسرولة وديري فيها كاس الماء وضيفي حب الرشاد والروز وعلى نار مهيلة وانتي كتحركي حتى يطيبو الى بان لك عقاد بزاف ضيفي شوية الماء المهم يطيب الروز ويعطيك قوام ثقيل شوية طحنيهم وضيفي لهم الازير والزيت وخلطي مزيان يكون القوام كريمي طبقيه على شعرك ولفي فيلم غذاءي وزيف باش يسخن وهذا كيساعد الزغبة تطلق وتسرح وخليه على الاقل ساعتين ثم غسليه ويكون عندك محلول تشلي به شعرك ولي هو من ازير واللويزة كبي عليهم ماء مغلي خليهم يطلقون مزيان من بعد صفيهم زعمليهم في قرعة بخاخ وضيفي قطيرات زيت اللوز او زيت الكوك ومن بعد دوري لو الباتشا و شوفي الشعورات كيف غادي تفرح معاك وبالصحة والراحة .
ا لبنات كاين شمبوانات بدون سلفات وبدون سليكون آمنة ومستخلصة من المواد الطبيعية غادي نزلها لكم في موضوع مستقل
دعواتكم الطيبه وشكرا .

جزاك الله خيرا
ورزقك ما تمنيت وأكثر

وانتي من اهل الجزاء والتواب اخواتي الغالية واصبح ذريتك وزادك من فضله واحسانه

ذاكرة اذا جات على خاطرك شارك معانا بطاقة فازلين مشكورة

من عيوني امولتي نقلب على البطاقة ونزلها لك من بعد
وباش تحضري الفازلين هو كالتالي:
2 معالق كبار شمع ابيض محكوك
كاس العنبة زيت اما بلدية او زيت عادية أو خليط بينهم
اول شيء في كسرولة عملي الزيت يسخن في حمام مريم ضيفي لو الشمع محكوك وانتي كتخلطي حتى يدوب ويتجانسو من بعد خليه يبرد مدة 10 د من بعد خذي batidora وطحني الكل مزيااان حتى يبان لك اصبح على شكل كريم وها الفازلين ديالك واجد .

تقدري ضيفي اضافات مثلا زيت الكوك من و قرصين من فيتامين e وانتي كتخدمي فيه بالباتيدورة وعمليه في حك وبالصحة والراحة فازلين طبيعي بغيتيه للشعر او للجسم واليدين والرجلين وحتى البشرة بالصحة والراحة .

ذاكرة كتب:من عيوني امولتي نقلب على البطاقة ونزلها لك من بعد
وباش تحضري الفازلين هو كالتالي:
2 معالق كبار شمع ابيض محكوك
كاس العنبة زيت اما بلدية او زيت عادية أو خليط بينهم
اول شيء في كسرولة عملي الزيت يسخن في حمام مريم ضيفي لو الشمع محكوك وانتي كتخلطي حتى يدوب ويتجانسو من بعد خليه يبرد مدة 10 د من بعد خذي batidora وطحني الكل مزيااان حتى يبان لك اصبح على شكل كريم وها الفازلين ديالك واجد .

تقدري ضيفي اضافات مثلا زيت الكوك من و قرصين من فيتامين e وانتي كتخدمي فيه بالباتيدورة وعمليه في حك وبالصحة والراحة فازلين طبيعي بغيتيه للشعر او للجسم واليدين والرجلين وحتى البشرة بالصحة والراحة .

الله يعطيك الخير يا بنت الخير وتسلاملي عيونك