الروز بالحوت

السلام عليكم حبيباتي  نتمنى هاد الاطباق لي كنزل هاد المدة  تجربوها في رمضان ..روز بنين ويشهي




المقادير
كمية من الحوت الابيض لي تفظلو  المهم هبرة او اي نوع حوت   بلا شوك انا استعملت الراية هي لي متوفرة حاليا
زلافة صغير روز
نصف زلافة ربيع قصبر ومعدنوس
3 فصوص ثوم
نصف حامضة معصرة
زيت الزيتون
كاس ماء
توابل (ملح سكين حبير خرقوم تحميرة توابل الحوت الا ممكن )
خيزو محكوك
فلفلة مقطعة طريفات
بصل مقطع رقيق
ماطيشا للتزين
ناخدو الروز نغسلوه مزيان ونغمره بماء طايب ونخليه يرطاب من نصف ساعة لساعة
في انية نحط الربيع والتوابل وشوية الماء والحامض ونشرمل السمك مزيان
في مول نحط الروز المرطب مع خيزو والبصل والفلفل مقطع وباقي شرمولة ونستف فوقهم الحوت ونزيد باقي الماء ونزين بقطع الطماطم   ونغطي الكل بورق الطهي وندخلو للفرن حتى يطيب الروز ونحمر الحوت من الجهتين

يرفع

تبارك الله واااعرة فاتني مشفتوش عادابا كنت حائرة فالغدا انصاوبو غدا ان شاء الله

ام انير كتب:تبارك الله واااعرة فاتني مشفتوش عادابا كنت حائرة فالغدا انصاوبو غدا ان شاء الله

كنت نزلتها قبل رمضان تبدلي بها الروتين ديال الغداء
بالصحة مسبقا

اخت لطيفة كتب:

ام انير كتب:تبارك الله واااعرة فاتني مشفتوش عادابا كنت حائرة فالغدا انصاوبو غدا ان شاء الله

كنت نزلتها قبل رمضان  تبدلي بها الروتين ديال الغداء
بالصحة مسبقا

اه والله روعة تتشهي عندي نيت هاد الحوت البيض و مبغيتش مقليه شفت تا عييت ودرت بحال الگراتان فالمقلة ههه مع اللول دالشهر سالا كلشي

ام انير كتب:

اخت لطيفة كتب:

ام انير كتب:تبارك الله واااعرة فاتني مشفتوش عادابا كنت حائرة فالغدا انصاوبو غدا ان شاء الله

كنت نزلتها قبل رمضان  تبدلي بها الروتين ديال الغداء
بالصحة مسبقا

اه والله روعة تتشهي عندي نيت هاد الحوت البيض و مبغيتش مقليه شفت تا عييت ودرت بحال الگراتان فالمقلة ههه مع اللول دالشهر سالا كلشي

اه عرفت ديك الوقيتة فاش تصبحي كتخممي في الغداء
ملي عندك الحوت مزيان انا القليان باي باي من شحال هادي تهنيت من الزيت رجعت غالبا نفندو في الفينو ونفرش لو ورق الطبخ والى الفرن كيجي شبيه للمقلي

للرفع