الغازما تعرفهم غير لي تقول انا مغربية حرة

السلام عليكم ورحمة الله وبركاته

اليوم نفتحوا صفحة جديدة فيها افادة ومعلومات تعينا في حياتنا من قريب او من بعيد المهم تسلية بالافادة
كما هو واضح في العنوان هاذ الالغاز ما تعرف حلهم غير لي تقول انا مغربية حرة واجدات على بركة الله اول لغز ونشوف المغربية الحرة لي غادي تجيب الجواب الصحيح



حاجيتك ماجيتك على جدي في دكانتو ياكل في مصرانتو ؟؟

Up

ها واحد المغربية حرة داخلة ومسمية الله
الله يعطيك الصحة مريم الالغاز تنشط الذاكرة
الجواب
هو الشمعة وبكري كانو يقولو اللغز على واحد النوع ديال القناديل يخدمو بالفتيلة

تبارك الله عليك مريوم عجباتني الفكرة اتينا واحد ثاني ههههه

برافو لطوف المغربية الحرة

تبارك الله على لطوف الجواب صحيح تقريبا ولي هو الفانوس او القنديل لي كان يشغل بالفتيلة مغربية وحرة كمان

الله يبارك فيك ملوكتي اليك اللغز الثاني وطبعا لي عندها شي لغز تفضل به وتشارك الفكرة فقط ما ينحط اللغز حتى يتم الجواب على الاول وهكذا.

اللغز التالي هو كالتالي:

حاجيتك على لي لحمو رخيص ودمو غالي ؟

ذاكرة كتب:الله يبارك فيك ملوكتي اليك اللغز الثاني وطبعا لي عندها شي لغز تفضل به وتشارك الفكرة فقط ما ينحط اللغز حتى يتم الجواب على الاول وهكذا.

اللغز التالي هو كالتالي:

حاجيتك على لي لحمو رخيص ودمو غالي ؟

غدي نسبق ملوكة حتى هاد المرة ..واللغز سويهل مع راسه هه وخا حتى لحمو حتى هو هاد العام دار الكرون ودمه خلاص بغا يفرفر ههه
الجواب هو الزيتون بلحمه ودمه عفوا زيته

حاجيتكم انا من داخل وملقيتش مين ندخل؟

اخت لطيفة كتب:حاجيتكم انا من داخل وملقيتش مين ندخل؟

المرايا

حاجيتكم ذئب وذيبة دخلوا زريبة الذئب هرب والغنم كلاتها الذيبة شكون هما؟

زهرة الكاردينيا كتب:حاجيتكم ذئب وذيبة دخلوا زريبة الذئب هرب والغنم كلاتها الذيبة شكون هما؟

ثباح الخير ملوكة صعبتي علينا شوية ولكن ندير محاولة هه ميكونش القطار ؟

اقصد القطار والسكة الحديدية
تلسكة كتهرب والقطار يهز الناس ياكلهم في كرشو زعما

اخت لطيفة كتب:اقصد القطار والسكة  الحديدية
تلسكة كتهرب والقطار يهز الناس ياكلهم في كرشو زعما

عههههه تفسير منطقي ههههه ولكن الجواب خطأ

زهرة الكاردينيا كتب:

اخت لطيفة كتب:اقصد القطار والسكة  الحديدية
تلسكة كتهرب والقطار يهز الناس ياكلهم في كرشو زعما

عههههه تفسير منطقي ههههه ولكن الجواب خطأ

ياك محاولة مقنعة هههه عييت ما نفكر في المنطق هه بانولي بزاف الافكار ولكن موحال هو الجواب غدي نبقى حتى نجبدو الا مسبقوني لبنات
حطو للينا اختيارات ههه

حل لغز الذيبة والذيبة هو العافية في انتظار الجواب الصحيح باش ينزل اللغز الموالي ان شاء الله

ذاكرة كتب:حل لغز الذيبة والذيبة هو العافية  في انتظار الجواب الصحيح باش ينزل اللغز الموالي ان شاء الله

احسنت النار والدخان

لغز شرعي
رجل تزوج بإمرأة وأبوها على قيد الحياه وعندما مات أبوها حَرُمَتْ على زوجها لماذا ؟

اخت لطيفة كتب:لغز شرعي
رجل تزوج بإمرأة وأبوها على قيد الحياه وعندما مات أبوها حَرُمَتْ على زوجها لماذا ؟

لانهاتزوجت هبدا لابيها فلما مات والدها اصبح العبد ملكا لها وزواج العبد من سيدته باطل

زهرة الكاردينيا كتب:

اخت لطيفة كتب:لغز شرعي
رجل تزوج بإمرأة وأبوها على قيد الحياه وعندما مات أبوها حَرُمَتْ على زوجها لماذا ؟

لانهاتزوجت هبدا لابيها فلما مات والدها اصبح العبد ملكا لها وزواج العبد من سيدته باطل

جواب صحيح