شنو طيبتي اليوم ؟

زهرة الكاردينيا كتب:ماشاء الله اللهم بارك لطوفتي الحادكة هذي شي عراضة للناس العزاز
ياريت تشاركي معانا الكورني و حشوة الكيش الى جات علىً خاطرك الزين

كنت مزوبة ومصورت والو وهادي غي مشاركة بسيطة في بيفي تخرج ديال بنتي
بالنسبة لحشوة الكيش شحرت البصلة بوحدها والدجاج قطعتو وشرملتو بوحدو بعطرية الشوارما وملح وابزار ومعلقة صغيرة موطارد انا ظرت كيلو درت فيه حك ياغورت طبيعي كامل و2 معالق موطارد ملي طاب زدت عليه 150غ داند فيمي وكفيت البوطة وخلطت كلشي
بالنسبة لباراي كيش درت كاس كريما طرية ونصف كاس حليب و3 بيضات وملح وابزار زثوم غبرة وحفنة فرماج محكوك ومعلقة صغيورة نشا وشويش خمارة حمراء ..مكفاتنيشوعاودت نفس لاباراي بالنشبة لعجين الكيش خديت غي الجاهز ديال كارفور هي لي كتعجبني وكتكون هشيشة

بالنسبة للكورني مكان ما احسن من عجينة 10 دقائق وغي تكملي التشكيل طيبيهم بلا ما يخمرو
الحشوة باردة فيها خيزو محكوك وملح وابزار والربيع وحك درة معلف وكورنيشون محكوك وزيتون مقطع وطون زيت مصفي جبن ديال البواطا وجمعتهم بمايونيز القياس لي جمعلي
انا احتاجيت 5 ديال الطون والباقي لخبار في راسك باش نعمر 50 حبة كورني

مبرووووك والف مبروووووك و اللهم بارك
بيفي رائع

تبارك الله ما شاء الله مبررووووك مبرووووك العقبة لكل ما تمنات وطلبات يتحقق ليها ان شاء الله

يا ربي امين شكرا لبنات

اليوم وجبتنا سفة مدفونة هلى ذوقكم

بالصحة والراحة لطوفتي وصفات ديال الصيف

السلام عليكن بنوتات الغزالات كيف نتوما و كيف كدوزو العطلة و كيف عاملين مع الصهودات اللهم بارك
الله يجازيكن بخير حبيباتي جاية عندي صاحبتي و راجلها اوا خرت شنو برنامج الاكل لي نديرلهوم علما انني عيانة و مريضة الصراحة بغيت الحاجات الخفاف و لي يوجدو بسرعة
و شنو نقدر نوجد على تساع مزالهوم عشرة ايام باش يجيو
عرفتو يا لبنات بقوه لي من شحال هادي مجاو عندي الضياف حتا نسيت صواب الضياف ههههه
عوانوني يا الحادقات بوصفاتكم الساهلة السريعة و خصوصا اي حاحة نقدر نوجدها و نديرها فالثلج من دابا
تحياتي ليكم و الله غير سمحولي متابعاكم و غير المرض و العيا لي مانعني من المشاركة
بيزوات عزاز ليكم حبيباتي

وعليكم السلام ورحمة الله وبركاته حنان ميكون عندك باس حبيبتي والله اشافيك شفاءا لا يغادر سقما.
واش صاحبتك غتجلس معاك ايام ولا عراضة يوم فقط و اش غدا و لا عشاء و نهار كامل

زهرة الكاردينيا كتب:وعليكم السلام ورحمة الله وبركاته حنان ميكون عندك باس حبيبتي والله اشافيك شفاءا لا يغادر سقما.
واش صاحبتك غتجلس معاك ايام ولا عراضة يوم فقط و اش غدا و لا عشاء و نهار كامل

هلى ما فهمت الضياف غدي يبقاووا ايام عندها يعني خاصها برنامج فطور وغداء وكوتي وحتى العشاء