فقاص النخوة باللوز

اخواتي مبروك عواشركم جبت لكم فقاص منسم وشهوة منو باللوز



المقادير
6 بيضات
2 كيسان قل ربع سنيدة
كاس زيت
نصف كاس زبدة حيوانية
نصف كاس حليب
3 خمارات الحلوى
فاني الزهر او عادي
نصف معلقة صغيرة قرفة
معلقة صغيرة سكين جبير
راسمعلقة صغيرة ملح
معلقة صغيرة نافع
3 معالق ماء زهر
زلافة لوز
نصف زلافة كركاع يمكن تعويضه باللوز او مشملسش واي نوع اخر من المكسرات
الدقيق خسب الخليط

كنطربو البيض مزيان مع السكر والزيت وباقي المكونات وهزيد الدقيق شوية بشوية ..هزتلي كيلو و250
العحينة تكون شادة راسها باس الفقاص يبقى واقف
نسرح العجينة ونحط المكسرات ونلف عليها العجين مع الضغط  ونشكل حربول وندهن باصفر البيض والتسكافي
بالنسبة للطياب كيكون الفران بارد وناقص بحال كطيبي كيمة وياريت الفران يكون مبتسم قليلا فقط
المدة ديال الطهو من ساعة لساعة وربع
نخليه يبرد مزيان او يبات عاد نقطعو ونحمرو

تبارك الله عليك مون شاف

فقاص رائع و شكله طوب تبارك الله عليك
مكرهت نذوق اصلا كيحمقني الفقاص

زهرة الكاردينيا كتب:تبارك الله عليك مون شاف

الله يبارك في صحيحتك ملوكتي

fatidusouss كتب:فقاص رائع و شكله طوب تبارك الله عليك
مكرهت نذوق اصلا كيحمقني الفقاص

عويناتك غزالين يشوفو كلشي زوين
يا ريت كون كنتي حدايا نذوقك خاصنا هاد الخاصية في المنتدى نيااااهاااهااا هه‍ههه

لطوفتي واش متجيش مذاق السكنجبير و القرفة باين
بغيت تجربو دابا

اخت لطيفة كتب:

fatidusouss كتب:فقاص رائع و شكله طوب تبارك الله عليك
مكرهت نذوق اصلا كيحمقني الفقاص

عويناتك غزالين يشوفو كلشي زوين
يا ريت كون كنتي حدايا نذوقك خاصنا هاد الخاصية في المنتدى نيااااهاااهااا هه‍ههه

هههه والله مكرهنا هههه

زهرة الكاردينيا كتب:لطوفتي واش متجيش مذاق السكنجبير و القرفة باين
بغيت تجربو دابا

نهائيا وخا عندي سكين جبير عاد جديد يا الله طحنتو هاد الاسبوع
المنسمات كثار والفقاص يتلف بيناتهم ما يعرف شنو يبان عليه ههه
على فكرة ممكن ديري غي 3 بيضات وتقسمي كلشي على 2