كيكة طبقات باردة و منعشة

كيكة طبقات باردة :
طبقة 1 :
2 بيضات
7 معالق كبار سنيدة
7 معالق كبار زيت
7 معالق كبار حليب
فاني
7 معالق كبار طحين
خمارة
معلقة كبيرة خل
سيرو :
كاس و نصف ماء
3 معالق كبار سنيدة
2 شرائح الحامض
طبقة 2 :
200 مل كريمة سائلة
نكهة ليمون
طبقة 3 :
2 كيسان عصير برتقال
2 معالق كبار سنيدة
2 فلان فاني أو عادي
نطرب البيض مع سنيدة و قبصة ملح و فاني مزيان تم نضيف زيت و حليب تم طحين و خميرة و في أخير خل نخلط كل نفرغه في مول لكيتحل مدهون بالزبدة و الدقيق تطيب مباشرة مني نخرجها نقلبها في و نديرو إطار نسقيها بالسيرو نضعه فوق نار يغلى و يتقال و نخليه حتى يبرد و نسقي به كيكة و هي سخونة و نخليها تبرد مزيان
نطرب كريمة مع نكهة مزيان حتى تطلع و نضعها فوق طبقة كيك و نسرحها و نقادوها و ندخلوها تلاجة تبرد لمدة ساعة
نصفي عصير برتقال + سنيدة + فلان نخلط و نضعه فوق بوطة حتى يغلى و نخليه حتى يدفى تم نكبه فوق طبقة تانية بواسطة ملعقة ندخلوها تلاجة تبرد مزيان ليلة كاملة تم نقدمها

هلا وغلا بك ام خلود فين غبورك
ماشاء الله عليك ام خلود كيكة في وقتها الله اعطيك الصحة

السلام عليكم ورحمة الله وبركاته

تبارك الله والصلاة على النبي، كنت تا نديرها واحد الأيام غير تسالي نعاودها، لكن بالكريم باتيسيير والفواكه، إدمان صراحة
بالصحة والراحة حبيبتي

اهلا بالحبيبة ام خلود ..يا سلام على كيكة باردة شحال بيني وبينها كتجي لذيذة