كيكة الحامض بكريم باتسيير

صديقاتي الوفيات اش خباركم؟ وصفة اليوم كيكة محمضة  وبنينة  يا سلام




المقادير

اول خطوة ضروري نصاوبو كريم باتسيير  باش تبرد شوية
فيها  نصف لتر حليب  3 معالق كريم باتسيير و3 سكر وفاني واصفر بيضة
فوق النار حتى تتقال نصبها في زلافة ونغطيها ونحطها تبرد

الكيكة فيها :
3 بيضات
وكاس سكر
وكاس معامرش زيت
ونصف كاس  حامض معصر  وقشور الحامض
2 خمارت حمراء وفاني
والدقيق حتى ثقالت مزيان

الطريقة
في خلاط كهربائي  طربي البيض والسكر مزيان والزيت وفي اناء زيدي الخامض والدقيق والخمارة  
الخليط يكون ثقيل شوية باش فاش نجطو خطوط الكريما تبقا شاظا راسها

اتبارك الله عليك يا لالة لطيفة باينة عليها بنينة خصوصا الحامض كيخلي الكيكة مفششة ، الله يعطيك الصحة

أم الإخوة كتب:اتبارك الله عليك يا لالة لطيفة باينة عليها بنينة خصوصا الحامض كيخلي الكيكة مفششة ، الله يعطيك الصحة

الله بسلمك يا مجودة واللاهيلا بنينة تستاهل بقك ههه

اخت لطيفة كتب:

أم الإخوة كتب:اتبارك الله عليك يا لالة لطيفة باينة عليها بنينة خصوصا الحامض كيخلي الكيكة مفششة ، الله يعطيك الصحة

الله بسلمك يا مجودة واللاهيلا بنينة تستاهل بقك ههه

ان شاء الله غير يتوجد الحامض ونتبالى بها

بالصحة والراحة لطوفتي اند ابارك الله عليك هههه